خزمی خوا

نووسەر: لاجان
0
1 330

 

 وه‌رگێڕان و پێداچوونه‌وه‌ی: قه‌ندیل

شه‌وی جه‌ژن بوو، هه‌وا سارد بوو و به‌فر ده‌باری. کچه‌ چکۆله قاچه پێخواسه‌کانی له‌سه‌ر به‌فر ده‌جووڵانده‌وه تا که‌متر ئازاری بده‌ن، روومه‌تی به شووشه‌ی ساردی دوکانه‌وه‌نابوو و چاوی له ناوه‌وه ده‌کرد. له چاوی‌دا فرمێسک شه‌پۆلی ده‌دا، ده‌تکوت به چاوانی، له‌به‌ر خوا ده‌پاڕێته‌وه و ئاره‌زوی شتێک ده‌کات. ژنێک که ده‌یه‌ویست بچێته ناو دوکانه‌که، که‌مێک له‌به‌ر ده‌رگا وه‌ستا و چاوی له کچه‌که کرد که خه‌ریکی روانینی ناوه‌وه‌ بوو. ژنه چووه ژوور و پاش چه‌ند خوله‌کێک، به جووته‌ پێڵاوێک له ده‌ست‌دا هاته‌وه‌ده‌ر.

- کچی چاک!

کچه گه‌ڕاوه و رۆیی بۆ لای ژنه‌که. چاوی ده‌تروسکانه‌وه. پێڵاوه‌کانی له ژنه‌که وه‌رگرت و له باوه‌شی گرتن. به ده‌نگێکی له‌رزه‌وه پرسی:

- ئه‌تۆ خوای؟!

- نا گوڵم، من ته‌نیا به‌نده‌یێکی خوام!

- ئه‌ها... زانیم خزمایه‌تییه‌کت له‌گه‌ڵ خوا هه‌یه!

سەرنجی بەڕێزت سەبارەت بەو بابەتە چییە؟

لێرە بۆچوونی خۆت بنووسە:

ناوی بەڕێزت : *
ئیمێل :*
ڕای بەڕێزت :*
کۆدی هێمنایەتی : *
وێنە ناکرێتەوە
بۆ گۆڕینی کۆد، لەسەری کرتە بکە