مامۆستا نالی

نووسەر: لاجان
0
1 839

 

مامۆستا نالی دامه‌زرێنه‌ری قوتابخانه‌ی شێعری بابان و گه‌وره‌‌ترین شاعیری كرمانجی خوارووه‌. ناوی خدره‌ كوڕی ئه‌حمدی شاویسی ئاڵی به‌گی میكایلیه له‌ ساڵی 1800ی زایینی ‌له‌‌گوندی خاك و خۆڵ، له‌ده‌شتی شاره‌زوور له دایک بووه. هه‌ر له‌ته‌مه‌نی منداڵی چووه‌ته خوێندنی حوجره‌. له‌سه‌رتاوه‌ قورئان و ورده ‌كتێبی فارسی خوێندووه، دواتر زانسته‌كانی‌تری قورئان و فه‌رمووده‌کان و رێزمانی عه‌ڕه‌بی خویندووه‌ دواتر ئیجازه‌ی عیلمی وه‌رگرتووه. بێجگه‌ له‌ زمانی خۆی، فارسی و‌ توركی و عه‌ره‌بی به‌ باشی زانیوه، ته‌نانه‌ت شێعریشی پێ نووسیوون. له‌ژیانیدا خزمه‌تێكی زۆری نه‌ته‌وه‌كه‌ی كردووه‌.

له ‌ده‌وروبه‌ری ساڵی 1848ی زایینی چووه‌ حه‌ج، دوایه رووی كرده‌ شام و له‌وێ ماوه. له‌و ماوه‌یه‌دا میرنشینی بابان ‌رووخا و ئیتر ئه‌و نه‌گه‌ڕا‌وه بۆ کوردستان. به ‌ناچاری رووی له‌ ئه‌سته‌مبوول كرد ‌و له‌وێ له‌لای ئه‌حمه‌د پاشای بابان بوو. له‌گه‌ڵ كورده‌كانی‌تر ژیانێكی خۆش و ئه‌دیبانه‌یان له‌دیوه‌خانی ئه‌حمه‌د پاشادا رابوارد. له‌ كۆتایی ساڵی 1873ی زایینی له‌ شاری ئه‌سته‌مبوول كۆچی دوایی كرد و له‌ گۆڕستانی قه‌رج‌ئه‌حمدی ئه‌و شاره‌ ته‌رمه‌كه‌یان به‌خاك سپارد.

لقی بابەت :  بابەتی گشتی / کەسایەتی
سەرنجی بەڕێزت سەبارەت بەو بابەتە چییە؟

لێرە بۆچوونی خۆت بنووسە:

ناوی بەڕێزت : *
ئیمێل :*
ڕای بەڕێزت :*
کۆدی هێمنایەتی : *
وێنە ناکرێتەوە
بۆ گۆڕینی کۆد، لەسەری کرتە بکە