بەهارێکی بێ حەوسەڵە

نووسەر: لاجان
1
1 461
 
بەهارێکی بێ حەوسەڵە

هۆنراوه‌ی په‌ری ڕه‌ش
1
چەندە سەختە
کاتێک
تەمی بێوەفایی
ڕوو لە داستانی
ئەشقم ئەکا
و
درۆکانیش
بەسەر چڵی درەختەکانەو
ئەنیشنەوە
منیش لە ژێر
سێبەریا
وەنەوزی
گریان ئەدەم
جار جارێکیش
بۆنی
درۆکان
ئەم وەستێنێ
------------------------------------

2
تەمەنم وەک
خەزانی پایز
کەوتۆتە بەر پێم
کەچی هێشتا
بێزاریم
بەسەر چڵی
پرچەکانمەوە
هەر سەوزە
و
هەڵ ناوەرێ.
-------------------------------------
3
زۆر سەرقاڵم ئەکات
خەیاڵەکانم
شەقامەکانیش
لێم بێزار بوون
ئەترسم
ڕۆژێک نهێنیەکانم
بڕژێنە سەر
شۆستەکان
و
بەرپێی کاروانیەکان
ئەوکات
شەقامێک
نامێنێ بۆ ڕازەکانم
خۆ باڵندەش نیم
بە ئاسمانا
گوزەر بکەم..؟؟
--------------------------------------

4
پیری دەستی گرتوم
بە مراسیمێکی
هێمنانە
بەرەو کۆتایی
ڕێم ئەبات
یەک بە یەکی
ڕۆژەکانی
تەمەنم
لەبەر پێی خۆیدا
لە خاچ ئەدا
------------------------------------

5
ماندووم لە شەوە
تاریکەکان
بمبەرەوە سەرەتای
ڕێ
با سنورەکانی
خۆر ببڕم

لقی بابەت :  هونەر / هۆنراوە
سەرنجی بەڕێزت سەبارەت بەو بابەتە چییە؟

سەرنجەکان

User Avatar
  • هورامان
  • لە ڕێکەوتی : -840 خاکەلێوە -617 00:00
سڵاو ورێز ده ست خۆش وقه ڵه مت به رقه راربێت.
  • 0

لێرە بۆچوونی خۆت بنووسە:

ناوی بەڕێزت : *
ئیمێل :*
ڕای بەڕێزت :*
کۆدی هێمنایەتی : *
وێنە ناکرێتەوە
بۆ گۆڕینی کۆد، لەسەری کرتە بکە