دڵم له ‌شوێنێ داناوه

نووسەر: لاجان
0
6 238
 
دڵم له ‌شوێنێ داناوه‌


که‌ژاڵ ئه‌حمه‌د

ببوره‌... من دڵم
له ‌سینه‌مدا نییه‌
له ‌شوێنێ دامناوه‌
نازانم له ‌کوێ !
تۆ ده‌چى
کتێبخانه‌ى گشتى شارى بۆ ده‌گه‌ڕێى
ده‌بینى خوێنه‌رێ
ده‌یبات و نایهێنێته‌وه‌.
ببوره‌ ...من وێنه‌م
له‌سه‌ر شۆسته‌ و
له‌سه‌ر دیوارى چێشتخانه‌کان و
له ‌چاوى کوڕاندا هه‌یه‌ !
هێنده‌ ڕه‌گى ناوبانگم ڕۆشتووه‌
زه‌حمه‌ته‌ ملوانکه‌ى پچڕاوى ته‌مه‌نم
تازه‌ نه‌ک تۆ
به‌هیچ که‌س بهۆنرێته‌وه‌ .
ناتوانى بیبڕیت زمانى درێژى
قسه‌ و باس
مێژوو خوڵقێنێ بگۆڕى
به ‌دایکێ بۆ منداڵ
بووکى خه‌یاڵى به ‌سه‌دانیش بکه‌یته‌
نیوه‌ى خۆت و
هه‌رگیزیش په‌شێمان نه‌بى
له‌وه‌ى که ‌شه‌رابى عیشقم ده‌خۆیته‌وه‌.
ببوره‌...من چاوم
پڕه‌ له ‌دابڕان
که ‌شه‌وان به‌ته‌نیا ده‌نووم.
شێعرم ته‌ژییه‌ له ‌ژووان
بۆ که‌سانێ نایانناسم
لێم گه‌ڕێ
دڵنیام ناتوانى
به‌بێ ئه‌وه‌ى، خۆت لێ ون بێت،
ونبوونم بدۆزیته‌وه‌ !

2007-سلێمانى

لقی بابەت :  هونەر / هۆنراوە
سەرنجی بەڕێزت سەبارەت بەو بابەتە چییە؟

لێرە بۆچوونی خۆت بنووسە:

ناوی بەڕێزت : *
ئیمێل :*
ڕای بەڕێزت :*
کۆدی هێمنایەتی : *
وێنە ناکرێتەوە
بۆ گۆڕینی کۆد، لەسەری کرتە بکە