هۆنراوەی: عەونی
گەلاوێژ کاتێ هەڵهات نیوە شەو بوو
گەلاوێژ کاتێ هەڵهات نیوە شەو بوو
کە چاوی مەستی ئەو شۆخە لە خەو بوو
بەیان بوو خونچە پشکووت و هوزاریش،
خەواڵوو کفت و کۆی بیداریی شەو بوو
هەناسەم زوڵفەکەی لادا لەسەر ڕوو
کە مانگ ئاوابوو ئەمجا مانگە شەو بوو
گوتم: بەختی خەواڵوو زووکە! زووکە
دەهەستە هاتنی ڕۆژت بەشەو بوو
مەگەر وا تاریک و ڕوونی بەیانە،
کە ڕۆژ هەڵهات بە بۆنهی کۆچی شەو بوو
کە ئەو ڕۆیی بزانن من نەماوم
کە بوونی من لە سایەی مانی ئەو بوو
لە ڕێی هاتا نەهات ئەمجارە عەونی
لە مەیدانی گرەو ئەسپی جدەو بوو!
بارکردنی سەرنجەکان...