کووکووی نۆک

کووکووی نۆک

پێداویستییەکان

یەک فینجان نۆک، کە دوای تەڕکردن دەبێت بە ٢٢٠ گرام؛ دەیهاڕین تا یەک قاپ نۆکی هاڕاو بە دەست بێت.
چارەکێک کەچکی چایخۆری زەعفەران.
چوار دەنک هێلکە.
خوێ، بیبار و زەردەچێوە بە بڕی پێویست.
نیو فینجان ڕۆن (نزیکەی ١٠٠ گرام).
نیوە فینجان کۆنسێرڤی نۆک فەرەنگی (نزیکەی ٥٠ گرام).
یەک دەنک پیوازی ناوەند (نزیکەی ١٠٠ گرام).
بەم بڕە پێداویستییانە، ئەندازەی تاوەیەکی ناوەند لەم خواردنەمان دەبێت.

چۆنێتیی ئامادەکردن

یەک فینجان نۆک بۆ ماوەی دوو بۆ سێ ڕۆژ تەڕ دەکەین. پاشان نۆکەکە دەهاڕین تا یەک قاپی ماستخۆری نۆکی هاڕاو بە دەست بێت.

چارەکێک کەچک چایخۆری زەعفەران دێم دەکەین تا زەعفەرانی توواوە بە دەست بێت.

هێلکەکان، یەک دەنک پیوازی ڕەندەکراو، نۆکی هاڕاو، زەعفەرانی توواوە، خوێ و بیبار تێکەڵ دەکەین تا مایەی کووکووکە ئامادە بێت.

ڕۆنەکە لە تاوەیەکی بچووکدا گەرم دەکەین و مایەی کووکووکەی تێدەکەین. نیو فینجان کۆنسێرڤی نۆک فەرەنگی زیاد دەکەین و پاشان بە کەچکێک نۆک فەرەنگییەکان دەخەینە ناو کووکووکەوە. پاشان سەری تاوەکە دادەپۆشین تا کووکووکە بە گڕێکی کەم بپژێت.

کووکووکە پارچە-پارچە دەکەین (دەیبڕین) و سەری دەفرەکە دادەپۆشین. دوای کەمێک پێژان، دیسان لەسەر جێگای بڕینی پێشوو دەیبڕینەوە، بەڵام ئەمجارە سەری دەفرەکە دانانێین تا لێوارەکانی کووکووکە سوور و برژاو بێت.

کووکووکە هەڵدەگێڕینەوە تا لایەکەی تریشی سوور ببێتەوە، بەڵام سەری دەفرەکە دانانێین تا کووکووکە برژاو بێت.

کووکووکە ئامادەیە، دەیخەینە ناو دەفرێکەوە.

نۆشی گیان.