چۆن خۆرشتی قیمە بەبێ ڕۆن لێبنێین؟
کەرەستەی پێویست
- یەک دانە پیوازی مامناوەند (هاوتای ١٠٠ گرام)
- یەک قاپی ماستخۆری لەپە (هاوتای ٢٠٠ گرام)
- چوار دانە لیمۆ عۆمانی (هاوتای ٢٠ گرام)
- یەک قاپی ماستخۆری گۆشتی مەڕ یان مانگا پارچەکراو (گۆشتەکە دەبێت بە پارچەی ورد [قیمەیی] وردکرابێت، هاوتای ٣٠٠ گرام گۆشتی بێ‌چەوری)
- خوێ، بیبار و زەردەچێوە بەپێی پێویست
- ئەگەر حەزتان لێ بوو، یەک لەسەر چواری کەچکی چایخۆری زەعفەران و دوو کەچکی چێشخۆری گوڵاو
- یەک کەچکی چێشخۆری ڕوبی تەماتە (هاوتای ٤٠ گرام)
بەو بڕە کەرەستەیە بە ئەندازەی ٤ دەوریی خۆرشت‌خۆری لە «خۆرشتی قیمە بەبێ ڕۆن»مان دەبێت.
شێوازی لێنان
یەک قاپی ماستخۆری لەپە دەشۆینەوە، لەگەڵ یەک قاپی ماستخۆری سەرپڕ گۆشتی قیمەکراو دەیکەینە ناو قابڵەمە، کەمێک خوێ، بیبار، زەردەچێوە و زەعفەرانی بۆ زیاد دەکەین و ٣ تا ٤ پەرداخ ئاوی تێدەکەین تا نزیکەی دوو کاتژمێر بە گڕی کەم بپێژێت.
یەک کەچکی چێشخۆری ڕوبی تەماتە و ٤ دانە لیمۆ عۆمانی بۆ زیاد دەکەین تا نزیکەی یەک کاتژمێری دیکە بە گڕی کەم بپێژێت و خۆرشتەکە خەست ببێت. ئەگەر حەزتان لێ بوو، دەتوانن لە کۆتاییدا دوو کەچکی چێشخۆری گوڵاو (بۆ تامی باشتر) زیاد بکەن.
خۆرشتەکە ئامادەیە. دەتوانن کەمێک سێوکی سوورکراوەی ئامادەکراو بۆ تەنیشت خۆرشتەکە بەکاربهێنن.
نۆشی گیان!
بارکردنی سەرنجەکان...