پیرانشار
هۆنراوەی: قەندیل
ئاوەدان بێ پیرانشار
شاری پڕ گوڵ و گوڵزار
زێدی خەج و سیامەند
شوێنی دڵبەر و دڵدار
چەن جوانە کێوەکانی
دەشت و دوند و تەلانی
کانی‌خوڵا و سپی‌سەنگ
قەندیل و سامڕەندانی
خۆشە دەشتی لاجانێ
بۆ هاتوچۆ و سەیرانێ
بۆ ڕاوچییان بەهەشتە
بەهار تاکوو زستانێ
دەشتێک پڕ لە هەڵاڵە
سوێسن، بەیبوون، گوڵاڵە
شلێر، شیلان و شەوبۆ
لە ڕەنگی لێوی ئاڵە
جوانە وەرزی بەهاران
چادر و چیغ لە هەواران
دڵی ڕێبوار دەپشکوێ
به دیتنی ڕووباران
بارکردنی سەرنجەکان...