ئه‌م شاعیره ناوی عه‌بدولڕ‌حیم كوڕی مه‌لا غه‌فوور كوڕی مه‌لا نه‌سڕوڵڵایه، له‌ناو خه‌ڵک‌دا به‌میرزا عه‌بدولڕه‌حیم ناوبانگی ده‌ركردووه. نازناوی شێعری وه‌فایی بووه.
عه‌بدلڕه‌حیم له شاری مه‌هاباد له‌ساڵی 1844ی زایینی له‌دایكبووه. خوێندنی سه‌ره‌تایی و زانسته‌كانی ئایینی ئیسلام و زمانی عه‌ره‌بی له مه‌هاباد ته‌واو كردووه و هه‌ر له‌وێش مۆڵه‌تی مه‌لایه‌تی وه‌رگرتووه. دوایه قوتابخانه‌ی تایبه‌تیی خۆی داناوه و وانه‌ی به منداڵان وتووه و له‌و ڕێگایه بژیوی ژیانی په‌یدا کردووه. دوایه له شاره‌کانی‌تر وه‌ک هه‌كاری و سلێمانی‌دا ژیاوه.وه‌فایی له‌گه‌ڵ كاروانی شێخ سه‌عیدی حه‌فید و سه‌ید ئه‌حمه‌دی خانه‌قا و شێخ مسته‌فای شێخ عه‌بدولسه‌مه‌دی قازی و حاجی تۆفیقی پیره‌مێرد چووه بۆ حه‌ج، ئه‌گه‌ر هه‌مووشیان له‌و كاروانه‌دا نه‌بووبن له‌ڕێگه‌ی گه‌ڕانه‌وه ئه‌و كه‌سانه پێكه‌وه گه‌ڕاونه‌ته‌وه.
له‌سارای عه‌ره‌بستان کاتی گه‌ڕانه‌وه‌ی ئه‌و حاجیانه وه‌فایی تووشی نه‌خۆشی ده‌بێت و كۆچی دوایی ده‌كا و له‌ناو لمی بادیه‌ی ئێراق یا بیابانی شام له‌لایه‌ن هه‌واڵه‌كانییه‌وه له‌ساڵی 1902 دوور له نیشتمان به‌خاك ده‌سپێردرێ. پیره‌مێرد ده‌ڵێ: "به‌ده‌ستی خۆم له بیابان وه‌فاییم ناشتووه."
بارکردنی سەرنجەکان...