محەمەد ساڵح دیلان
محەممەد ساڵح کوڕی مەلا ئەحمەد دیلان کوڕی مەلا ساڵح کوڕی مەلا قادری شەوخوێن ناسراو به محەمەد ساڵح دیلان -شاعیر، تێکۆشەر، دەنگخۆش و ئاوازدانەر- ساڵی ١٩٢٧ لە گەڕەکی گۆیژەی سلێمانی لەدایکبووە. سەرەتاکانی قۆناغی خویندنی لە مزگەوتی بابەعەلی بەسەر بردووە و دواتریش لە قوتابخانەی خالدییە قۆناغی سەرەتایی بڕیوەو درێژەی بە خوێندن داوە و تا پۆلی سێی ناوەندی خوێندووە.
دیلان لە لاوێتیدا دەستی کردووە بەشێعر نووسین و تا ڕۆژی کۆچی دوایی لەگەڵ شێعردا ژیاوە. لە تەمەنی بیست و یەک ساڵیدا شێعری بڵاوکردووەتەوە و ھەر لە لاوێتییەوە خۆی و بەرھەمە ئەدەبییەکانی تەرخانکردووە بۆ خزمەتکردنی گەل. لە ساڵی ١٩٤٨ تا ١٩٦٦ نۆ جار زیندانی کراوە.
ساڵی ١٩٥٢ بەھۆی ڕێکخراوی ئاشتیخوازانەوە نێردرا شاری ڤییەننا لە نەمسا بۆ ئامادەبوون لە «کۆنگرەی نەتەوەکان بۆ بەرگری لە ئاشتیخوازی». لەو گەشتەیدا سەردانی ئیتاڵیا و سویسڕا و چیکوسلۆڤاکیا ڕۆمانیای کردبوو.
گۆرانیی و مقامە بەسۆزەکانی دیلان کە شێعری زوربەیان نووسینی خۆیەتی، تا ئێستاش ھەر زیندوون.
شاعیری نوێکاری کورد و مەقامزان محەممەد ساڵح دیلان لە ساڵی ١٩٩٠دا و لە تەمەنی ٦٣ ساڵیدا دڵە گەورەکەی لە لێدان کەوت و ماڵاوایی کرد.
بەرهەمەکان
- دیوانی محەمەد ساڵح دیلان
بارکردنی سەرنجەکان...