مامۆستا گۆران
عەبدوڵڵا سلێمان کوڕی سلێمان بەگی کوڕی عەبدوڵڵا بەگ ناسراو بە گۆران شاعیر و ڕۆژنامەوان و چالاکی سیاسیی کورد ساڵی ١٩٠٤ی زایینی لە هەڵەبجە لەدایکبووە و تا ١٩٣٧ لە خوێندنگە سەرەتاییەکانی ئەو ناوچەیەدا مامۆستا بووە.
پاشان چالاکیی سیاسی و ڕۆژنامەوانی دەست پێ دەکات و چەند جارێک دەخرێتە بەندیخانە. لە ١٩٥٢ەوە تا کۆتایی ژیانی لە زۆرێک لە ڕۆژنامە و گۆڤارە کوردییەکاندا وتار و بابەتی دەنووسی و چەند کتێبی ھۆنراوەشی نووسیوە. گرینگیی گۆران لەوەدایە کە یەکەم ھۆزانڤانیی نوێی کوردە کە شێوازی عەرووزیی عەرەبی لە ھۆنراوەی کوردیدا لابردووە و بە شێوازی فولکلۆری کوردی ھۆنراوەی نووسیوە.
مامۆستا گۆران ساڵی ١٩٦٢دا بە هۆی شێرپەنجەی گەدەی کوچی دووایی کردووه.
بەرهەمەکانی:
- بەهەشت و یادگار (دەفتەری شێعر)
- خەیام بە کوردی (دەفتەری شێعر)
- شازادەی بەختیار (چیرۆک)
- دیوانی گۆران (دەفتەری شێعر)
- لاوک و پەیام (دەفتەری شێعر)
- لە کۆڕی خەباتا (دەفتەری شێعر)
- فرمێسک و هونەر (دەفتەری شێعر)
- سروشت و دەروون (دەفتەری شێعر)
بارکردنی سەرنجەکان...