عوسمان عەلی
هونەرمەندی ناسراوی کورد مامۆستا عوسمان عەلی ساڵی 1944ی زایینی لە گەڕەکی مەڵکەندی شاری سلێمانی لەدایکبووە، تاکوو پۆلی پێنجەمی سەرەتایی خوێندووە، دواتر بۆ دابینکردنی بژێوی ژیان دەستی بە کار کردووە.
سەرەتای کاری هونەریی لە ساڵی 1965 دەستپێکردووە و لە ساڵی 1969 بووە بە ئەندام لە کۆمەڵەی هونەر و وێژەی کوردی بەشی میوزیک و گۆرانی، کە دواتر وەک یەکێک لە گۆرانیبێژە کاراکان ڕۆڵی خۆی دیوە لەو بوارەدا. ساڵی 1967 خێزانی پێکهێناوە و سێ کچ و کوڕێکی هەیە.
لەگەڵ تیپی مۆسیقای سلێمانی وەک ئەندامێکی چالاک تاکوو دوا چرکەکانی ژیانی بەردەوامبووە، بەڵام هاوکات هاوکاری بەرهەمەکانی: تیپی مۆسیقای مەولەوی، تیپی مۆسیقای شۆڕش و تیپی مۆسیقای نەورۆزیشی کردووە.نموونەیەک لە گۆرانییەکانی مامۆستا عوسمان عەلی:
هەروەها لە زۆربەی بۆنە نیشتیمانیی و کۆمەڵایەتییەکان و کۆنسێرت و فێستیڤاڵەکاندا لە عێراق و هەرێمی کوردستاندا بەشداریکردووە. هەمیشە ئەندامێکی چالاک و دیاری یەکێتی هونەرمەندانی کوردستان بووە.
ساڵی 2005 لە کاتی چڕینی مەقامدا دوا هەناسەی بەخشی بە جیهانی هونەری کوردی و کۆچی دوایی کرد.
بارکردنی سەرنجەکان...