شەڕەفخانی بەدلیسی

شەڕەفخان ئەندامێکی ماڵە فەرمانڕەوای ھۆزی ڕۆژەکی بوو کە ئەندامەکانی لەو کاتەدا فەرمانڕەوایەتیی میرنشینی بەدلیسیان دەکرد و لانی کەم لە سەدەی ٩وە ناوبەناو وەک میرنشینێکی سەربەخۆ فەرمانڕەوایەتییان کردبوو. دواتر خێزانەکەی کەوتنە ژێر پاراستنی خانەدانی سەفەوی. ئەو لە کۆشکی شاھانەی تەھماسبی یەکەم خوێندوویەتی.
کاتێک بەدلیسی گەیشتە تەمەنی پێگەیشتن، ھونەرە جەنگییەکان، تیروکەوانی، پۆلۆ، ئەسپ سواری، شمشێربازی و بنەماکانی جوامێری (مرۆڤدۆستی) و بەخشندەییی فێرکرا.
دواتر، شەڕەفخان وازی لە پێگەی پێشووی ھێنا و پشتگیریی عوسمانییەکانی کرد. لە ساڵی ١٥٧٨دا، سوڵتان مورادی سێیەم، سوڵتانی عوسمانی، نازناوی ئەمیری بە شەڕەفخان بەخشی و بوو بە میری میرنشینی بەدلیس. دوایە، لە ساڵی ١٥٩٧دا دەستی کرد بە نووسینی «شەرەفنامە» کە پەرتووکێک بوو دەربارەی مێژووی کورد و کوردستان.