کورتە چیرۆکی سزادانی چەقەڵەکان
شەوێک ئاغا محەممەدخانی قاجار نەیتوانی لەبەر لوورەی چەقەڵان بنوێت. بەیانی کە لە خەو هەستا، ڕاوێژکارەکانی بانگ کرد و داوای سزایەکی گونجاوی بۆ چەقەڵەکان کرد.
هەر یەکێکیان سزایەکی سەختیان بۆ چەقەڵەکان پێشنیار کرد، بەڵام ئەو هیچیانی پەسند نەکرد و بەدوای سزایەکی قورستردا دەگەڕا. فەرمانی دا کە هەموو ئەو چەقەڵانەی کە لەو ناوچەیەدا هەبوون بدۆزرێنەوە و بە زیندوویی بۆ لای وی بێنن.
کاتێک چەقەڵەکانیان بۆ هێنا، هەر یەکەو زەنگۆڵەیەکی بە ملیەوە هەڵاوەسی و لە بیاباندا ئازادی کردنەوە. نێچیرەکان بەهۆی دەنگی زەنگۆڵەکانەوە هەڵدەهاتن و چەقەڵەکان نەیانتوانی نێچیرێک ڕاوبکەن. چەند ڕۆژێک بەم شێوەیە تێپەڕی تا هەموویان بەهۆی برسیەتییەوە مردن.
بارکردنی سەرنجەکان...