ساندویچی مریشک
پێکهاتەکان
- چوار دانە تەماتەی مامناوەند، ( ٢٥٠ گرام)
- نیو فینجان ڕۆن، نزیکەی ٥٠ گرام
- شەش دانە نانی ساندویچی گەورەی خڕ (مەکدۆناڵد)، کۆی گشتی نزیکەی ٤٥٠ گرام
- چوار دانە پیوازی مامناوەند، کۆی گشتی بەرامبەر بە ٤٠٠ گرام
- دوو دانە سینگی تەواوی مریشک (دوو قاپی ماستخۆری پڕ لە سینگی وردکراو کە بەرامبەرە بە ٨٠٠ گرام)
- یەک چارەکی کەچکی چایخۆری زەعفەران
- ١٥٠ گرام کاهووی پاکراو، (١٠ گەڵای کاهوو)
شێوازی ئامادەکردن
دوو دانە سینگی تەواوی مریشک لەگەڵ دوو پیوازی مامناوەند و کەمێک خوێدا دەکوڵێنین هەتا مریشک بپێژرێت و ئاوەکەشی هەڵم ببێت و بە خواردی گۆشتەکە بچێت. دوایە پیوازی پێژراو فڕێ دەدەین و مریشکی پێژراو ورد دەکەین.
دوو دانە پیوازەکە لەگەڵ نیو فینجان ڕۆندا سوور دەکەینەوە. دوایە مریشکی وردکراو و زەعفەرانی توواوەی لێ زیاد دەکەین و تەفتی دەدەین.
نانە ساندویچییەکان دەبڕین، لە نێوان هەر یەکێکیاندا مریشکی تەفتدراو، تەماتە و کاهووی وردکراو دادەنێین. ساندویچی مریشک ئامادەیە.
نۆشی گیان.
بارکردنی سەرنجەکان...