دڵدار
یوونس کوڕی مەلا ڕەئووف کوڕی مەلا مەحموود ئەفەندی کوڕی مەلا سەعدی خادیم ئەلسەجادە ناسراو به دڵدار -شاعیر و پارێزەری کورد- لە ساڵی ١٩١٨ی زایینی لە شاری کۆیە لەدایکبووە.
پاش ماوەیەک باوکی کراوە بە فەرمانبەری سەرژمێریی ڕانیە و بە بنەماڵەوە چوون بۆ ئەوێ. لە تەمەنی دە ساڵیدا دڵدار نێردراوەتە قوتابخانە و پۆلی یەک و دووی سەرەتایی لە ڕانیە تەواو کردووە. دوای ماوەیەک باوکی لەسەر فەرمانەکەی لابراوە و ناچار بە ماڵەوە گەڕاونەتەوە بۆ کۆیە و خوێندنی سەرەتایی لە کۆیە تەواو کردووە لە ساڵی ١٩٤٠دا لە شاری کەرکووک قۆناغی دواناوەندی تەواو کردووە و ڕووی کردووەتە بەغدا و چووەتە زانکۆی یاسا و ساڵی ١٩٤٥ بڕوانامەی زانکۆی یاسایی وەرگرتووە و بووە بە پارێزەر. دوای ماوەیەک بەھۆی کارە سیاسییەکانییەوە خراوەتە زیندان.
لە ساڵی ١٩٤٨ لە هەولێر بە نەخۆشیی دڵ لە یانەی فەرمانبەرانی هەولێر کۆچی دوایی کردووە و تەرمەکەی گواستراوەتەوە بۆ کۆیە و لەوێ لە گۆڕستانی کەکۆن بە خاک سپێردراوە.
بەرھەمەکان
- دیوانی دڵدار
- وتارێک دەربارەی عومەری خەییام
- زمانی کوردی و ئەدەبیات
- نارکۆزی کۆمەڵایەتیمان
- اقتصادنا الوطنی
- بیرەوەرییەکانی یونس ڕەئوف دڵدار
بارکردنی سەرنجەکان...