خۆرشتی فسەنجان لەگەڵ گۆشتە وردیلە

خۆرشتی فسەنجان لەگەڵ گۆشتە وردیلە

نووسەر: لاجان
بڵاوکردنەوە لە: 2026/08/30 (بەڕۆژکرا: 2026/11/22)
بینین: 35
کاتی خوێندن: 1 خولەک

چۆن خۆرشتی فسەنجان لەگەڵ گۆشتە وردیلە لێبنێین؟


پێداویستییەکان

دوو دانە پیوازی ناوەند، نزیکەی ٢٠٠ گرام
دوو قاپی ماستخۆری گوێز، نزیکەی ٣٠٠ گرام (واتا یەک قاپی ماستخۆری پڕ گوێزی هاڕاو)
یەک دانە ئێسکە مریشک (ڕان و سینگی مریشکێک جودا دەکەین و لای دەنێین و ئێسکەکەی بۆ دروستکردنی خۆرشتی فسەنجان بەکار دەهێنین)
یەک پەیمانە ڕوبی هەنار، نزیکەی ١٥٠ گرام
یەک قاپی ماستخۆری پڕ گۆشتی چەرخکراو، نزیکەی ٣٠٠ گرام
خوێ و بیبار بە ڕێژەی پێویست
چارەکی کەچکی چا زەعفەران
٣ بۆ ٥ کەچکی خواردن شەکەر، نزیکەی ٦٠ بۆ ١٠٠ گرام
بەم بڕە پێویستییانە، دەتوانین ٤ دەوریی خۆرشتی «خۆرشتی فسەنجان» ئامادە بکەین.

شێوازی دروستکردن

ڕان و سینگی یەک مریشک جودا دەکەینەوە و وەلای دەنێین. ئێسکەکەی لەگەڵ یەک دانە پیواز، کەمێک خوێ و ئاو دەکوڵێنین تاوەکو نزیکەی سێ لیوان ئاوی مریشک بەدەست بێت. پاشان ئاوی مریشکەکە بۆ دروستکردنی خۆرشتەکە جودا دەکەینەوە.


یەک قاپی ماستخۆری پڕ گوێزی دوو جار هاڕاو، یەک پەیمانە ڕوبی هەنار و نزیکەی ٣ بۆ ٥ کەچکی خواردن شەکەر بۆ ئاوی مریشکەکە زیاد دەکەین. سەری دادەنێین و قابڵەمەکە لە سەر ئاگری نزم دادەنێین و هەر نیو کاتژمێرێک خۆرشتەکە لێکدەدەین. پاش ٤ بۆ ٥ کاتژمێر خۆرشتەکە خەست دەبێت و ڕۆن دەداتەوە.


یەک قاپی ماستخۆری گۆشتی چەرخکراو لەگەڵ یەک پیوازی ڕەندەکراو و کەمێک خوێ و بیبار بە باشی هەڵدەشێلین و بە شێوەی وردیلە (تۆپی بچووک) دەریاندێنین. گۆشتە وردیلەکان لە ناو خۆرشتەکە دەکەین. دەیهێڵین خۆرشتەکە بۆ یەک بۆ دوو کاتژمێری دیکە بکوڵێت و بە باشی جێ بکەوێت.


دەتوانرێت بە گۆشتی مریشکی وردکراوی زەعفەرانی، خۆرشتەکە بڕازێتەوە.

نۆشی گیان!


وشە سەرەکییەکان: خۆرشت

هاوبەشکردن