خانێ
هۆنراوەی: مامۆستا ئەفزاری
خانێ شاری با سەفایه
شوێنی خۆش ئاو هەوایه
له پشتی کێو بۆته لەمپەر
پێشی چۆماوی وەک کەوسەر
مەنگوڕ مامەش و پیرانن
لەناو ئەو شاره جیرانن
بەو شاره دەڵێن پیرانشار
وەک بەهەشت دێته نەزەر
گوڵی هەڵاڵه و وەنەوشانن
دەڕوێن له نواڵه و له حەوشان
دەشتی پیران ناتدەم به چین
بەهەشتی بۆ دڵی غەمگین
چ جوانن مێرگ و چیمەنی
سرنج‌ڕاکێشه دیمەنی
ئاوی وەک ئاوی حەیاته
خۆشترین شوێنی وڵاته
میوان‌نەوازن میللەتی
وەک گەوهەره قیمەتی
خۆشتر له شام و چینه
بەهەشتی ڕووی زەمینه
خۆشه شاری پیرانشاری
کوچه و شەقام و بڵواری
ئەوینداری ئەو شارەم
بەڵام نەخۆش و بێچارەم
که تێیدا بسووڕێمەوه
ماندووم و بحەسێمەوه
لەم‌لاشەو بێ‌چاوم
نابینم دەستی شکاوم
بکەم وەسفی پیرانشاری
داخەکەم کوێره ئەفزاری
24/8/1373 پیرانشار
بارکردنی سەرنجەکان...