ترشیاتی باینجانی ڕەش بە تەمری هیندی
پێداویستییەکان
- یەک کەچکی چێشتخۆری خوێ
- هەشت کەچکی چێشتخۆری سەوزەی بۆنداری وردکراو (نزیکەی ٢٠٠ گرام سەوزەی پاکنەکراوی پێویستە). سەوزەی بۆندار بریتییە لە: نەعنە، تەڵخوون، مەرزە، شویت و جەعفەری.
- یەک پاکەت تەمری هیندی بەرامبەر ١٥٠ گرام
- یەک پنجی بچووک سیر بۆ ئامادەکردنی یەک کەچکی چێشتخۆری سیری ڕەندەکراو
- سێسەد گرام باینجانی ڕەشى ورد
- سەد گرام موسڵی وشک بەرامبەر یەک قاپ ماستخۆری
- یەک دانە بیباری تیژ
- نیو کیلۆگرام سرکەی سپی، نزیکەی دوو پەرداخی پڕ، بەو ڕادەیەی کە دەفرەکە پڕ بێت.
شێوازی ئامادەکردن
نزیکەی ٢٠٠ گرام سەوزەی ترشیاتی پاکدەکەین، دەیشۆینەوە، بەوردی وردی دەکەین و هەشت کەچکی لێ جیا دەکەینەوە و هەڵیدەگرین. یەک پنجی بچووک سیر سپیدەکەین، ڕەندەی دەکەین و یەک کەچکی چێشتخۆری لێ هەڵدەگرین. یەک دانە بیباری تیژیش بەوردی ورد دەکەین و لێکیدەدەین لەگەڵ پێکهاتەکانی ئێستا.
نزیکەی ٣٠٠ گرام باینجانی ڕەشى ورد دەشۆینەوە، سپیدەکەین یان هەر بە پێستەوە، وردی دەکەین. (ئەگەر بمانەوێت ترشیات زووتر بگات و باینجانە ڕەشەکانی ترشیاتەکە نەرم بن، لەم قۆناخەدا، باینجانە ڕەشە وردکراوەکان لەگەڵ یەک پەرداخ ئاو و یەک پەرداخ سرکە دە خولەک دەکوڵێنین).
یەک پاکەت تەمری هیندی ١٥٠ گرامی لەگەڵ دوو پەرداخ ئاو و یەک کەچکی چێشتخۆری خوێ لێکیدەدەین، دەیپاڵێوین تا ناوکەکانی جیا ببنەوە.
سەوزە و بیباری وردکراو، سیری ڕەندەکراو، باینجانی ڕەشى وردکراو و موسڵی وشک بە نۆرە چین‌چین دەخەینە دەفرێک، دوایە سەرەوەی بە ئاوی تەمری هیندی و دوو پەرداخ سرکە پڕ دەکەینەوە. دەفری ترشیاتەکە دادەخەین، بۆ ماوەی یەک حەفتە لە پلەی گەرمی ژوور هەڵیدەگرین (ئەگەر باینجانە ڕەشەکان نەکوڵابن، نزیکەی سێ بۆ چوار حەفتە کاتی پێویستە) تا ترشیاتەکە ئامادەی بەکارهێنان بێت.
ترشیاتەکە ئامادەی پێشکەشکردنە.
نۆشی گیان
بارکردنی سەرنجەکان...