ئیبراهیم خەیات
لەسەردەمی لاویدا بووە بە ئەندامی تیپی مۆسیقای مەولەوی و چەندین بەرهەمی لەگەڵدا ئامادەکردوون. دواتر بووە بە ئەندامی تیپی موزیکی سلێمانی. هە روە ها لە ساڵەکانی ١٩٦٠ بەدوادا لە رادیۆ بەغداد چەندین گۆرانی تۆمارکردووە لەوانەش: «بۆ رەنجەڕۆت کردم، ئیستعماری گەڕ، حیلفی بەغداد، تۆ جوانتری لە گوڵ و خۆشم ئەوێی وڵاتەکەم.»
گۆرانییەکانی ئیبراهیم خەیات تەنیا شوێنی لەسەر خەڵک دانەناوە، بەڵکو بووە بەهەوێنی خوڵقاندنی گەلێک بەهرەی دیکە لەنێو خێزانەکەیدا، بۆ وێنە «گۆران ئیبراهیم» بە ژەنینی ڤیۆلین،
«ژیان ئیبراهیم» بە شانۆگەریی، «جیهان ئیبراهیم» و «کیژان ئیبراهیم» دوو دەنگی جیاواز لە گۆرانیدا، «سۆران» قوتابییەکی باشی «گۆران ئیبراهیم»ـە و پەنجەیەکی شیرینی هەیە.
لەناوەرڕاستی هەشتاکاندا کە گۆرانی «ئێمەن گیانێکین»ی تۆمار کرد لەتەلەفزیۆنی کەرکوکدا بڵاوکراوە.
ئیبراهم خەیات زیاتر لە 100 گۆرانی پێشکەشی گەلی کورد کردووه کە دوایین بەرهەمی بەناوی «سەرنج» لە ساڵی ٢٠٠٠دا پێشکەش کرد. هەروەها دوو مەقام و گۆرانییەکی پێشوویی نوێکردەوه، ئەوانەش «ست فاتمە، دڵم هەر ئەو دڵەی جارانە و بەهار.»
بارکردنی سەرنجەکان...