باخەوانی بیرجوان

ڕۆژێک کابرایەکی دەوڵەمەند بۆ گەڕان ڕووی لە مەزرایە کرد. پاش ماوەیەک باخەوانێکی پیر و بەساڵاچووی دیت کە خەریکی چەقاندنی نەمامی دار بوو. لێی چووە پێش و پێی کوت: "ئەی پیرەپیاو، لە وەرزی پیریی تەمەنیشت کاری لاوەتی دەکەی؟! ئێستا کاتی وەی نەهاتووە کە دەست لەو وازانەت بێنی و داری کردەوەی باش لە بەهەشتدا بچەقێنی؟! کوا ئێستا کاتی ئەو ئیشتیا و تەماحەیە؟! دارێک کە تۆ ئەوڕۆ دەیچەقێنی، کوا دەرفەتت دەبێ بەرەکەی بخۆی؟!"

باخەوانی پیر و دڵپاک وڵامی داوە: "ئەوانی‌تر چاندیان و ئێمە خواردمان، ئێمەش دەیچێنین تا ئەوانی‌تر بیخۆن."

وەرگێڕاو لە پەڕتووکی مەرزباننامە، نووسراوی سەعدەددین وەراوینی

وەرگێڕان بە کوردی: لاجان