شاگرد دارتاش

کابرایێکی به‌خۆوه له‌کن وه‌ستای دارتاش دامه‌زرا و بڕیار درا به جوانی کار بکات و ڕۆژانه چه‌ندی ده‌توانی بۆ دارتاش دار ببڕێت. ڕۆژی یه‌که‌م 18 داری بڕی. وه‌ستا لێی ڕازی بوو و هانیدا بۆ به‌رده‌وامی له‌سه‌ر کاره‌که‌ی. ڕۆژی دواتر زۆرتری هه‌وڵدا به‌ڵام 15 داری بڕی. ڕۆژی سێهه‌م زیاتری کار کرد، به‌ڵام ئه‌وجار 10 داری بڕی. پێی وابوو که لاواز بووه و جوانی کار پێناکرێت. چووه لای وه‌ستا و داوای لێبووردنی کرد و کوتی: «نازانم بۆ چه‌ندی هه‌وڵده‌ده‌م، که‌متر دار ده‌بڕم!»
وه‌ستا لێی پرسی:
- دوایین جار که بیوره‌که‌ت تیژ کردۆته‌وه که‌نگێ بووه؟
- له‌به‌ر ئیشی زۆر له‌بیرم چووه و کاتم نه‌بووه تیژی که‌مه‌وه!