ماڵپەڕی لاجان: هونەر، کاریکاتێر، شێعر، پەندی پێشینیان و کەسایەتی

04/15 1389
تووتی ژنێک تووتییه‌کی کڕی، به‌ڵام ڕۆژی دواتر بردییه‌وه بۆ دوکانه‌که. به خاوه‌ن دوکانه‌که‌ی وت: «ئه‌و باڵنده‌یه قسان ناکات!»

خاوه‌ن دوکان کوتی: «ئاوێنه‌تان هه‌یه؟ تووتی خولیاوی ئاوێنه‌یه. خۆی تیدا ده‌بینێت و وه‌قسه دێت.»

ژنه ئاوێنه‌یێکی کڕی و ڕۆیی. ڕۆژی دواتر دیسان ژنه هاته‌وه. تووتی هێشتا قسه‌ی نه‌کردبوو. خاوه‌ن دوکان وتی: « نه‌ردیوانتان هه‌یه؟ تووتی خولیاوی نه‌ردیوانه.»

ژنه نه‌ردیوانێکی چووکه‌ی کڕی و ڕۆیی، به‌ڵام ڕۆژی دواتر دیسان هاته‌وه. خاوه‌ن دوکان وتی:

- ئه‌رێ له‌ناو قه‌فه‌سه‌که‌یدا جۆلانه‌ی هه‌یه؟

- نا.

- ده‌ی گرفت ئه‌وه‌یه! هه‌ر ده‌ست به جۆلانه‌ی بکات، وه‌قسه دێت.

ژنه به بێوازی جۆلانه‌یێکیشی بۆ کڕی و ڕۆیی، به‌ڵام ڕۆژی دواتر که هاته‌وه چڕژابوو. ئه‌و وتی:

- تووتیه‌که مرد.

- باشه، هه‌ر یه‌ک قسه‌شی نه‌کرد؟!

- با، پێش مردنی به ده‌نگێکی لاوازه‌وه وتی: «ئه‌رێ له‌و دوکانه‌دا بۆ تووتی هیچ خوارده‌مه‌نییه‌کیان نه‌ده‌فرۆشت؟!»
وشە کلیلییەکان:

ناردنی لێدوان

ناو:*
ئیمێل:*
دەقی لێدوان:
کۆدەکە بنووسە: *
وێنە ناکرێتەوە