ئەوڕٶ: 290
دوێنێ: 509
حەوتوو:2099
مانگ:10994
ساڵ:79128
گشت:973714
زۆرینە:32663 لە 1393.09.04
من: دایه! دایکم: گیانه؟ من: ماستم خوارد. دایکم: نوێشی گیانت بێ کوڕم. من: ڕژا سه‌ر فه‌ڕشی. دایکم: وه‌ی قوزةڵقورتێ خۆی، قوڕ وه‌سه‌ر!!
<    «  /4/ 1397  »    >
شیدسچپج
 1
2345678
9101112131415
16171819202122
23242526272829
3031 

» مطالب برای 1389 سال
نویسندهلاجان . تاریخ2 /12/ 1389 .شاخههۆنراوە
وه‌ره‌ به‌یه‌که‌وه‌ بژین

سبه‌ینێ واز له‌ماڵه‌باجێنه‌ى ته‌نیایى ئه‌هێنم
تۆش واز له‌ دارلاستیکى سه‌رکێشى بهێنه‌.
من رێگه‌ى هه‌موو رۆژێک و
ئه‌درێسى ژیانم ئه‌گۆڕم
به‌کۆدێکى زۆر نهێنى، که‌ دڵته‌
تا هیچ که‌سێ نه‌توانێ بمدۆزێته‌وه‌
کلیلى دڵم ئه‌شکێنم.
نویسندهلاجان . تاریخ1 /12/ 1389 .شاخهکەسایەتی
حه‌سه‌ن زیره‌ک حه‌سه‌ن زیره‌ک (گۆرانی‌بێژ . 1351-1300ی هه‌تاوی)

ناوی حه‌سه‌ن، ناوی بنه‌ماڵه‌‌یی زله‌بۆکانی و نازناوی زیره‌ک بوو و له رێکه‌وتی 8ی سه‌رماوه‌زی 1300ی هه‌تاوی له گه‌ڕه‌کی سه‌رقه‌ڵا له شاری بۆکان له‌دایک بوو. ناوی باوکی عه‌وڵا و ناوی دایکی ئامین بووه. له ته‌مه‌نی پێنج ساڵیدا (به وته‌یێکی‌تر له ته‌مه‌نی 11 ساڵێدا) باوکی مرد و دوایه‌ش دایکی مێردی کرده‌وه و ژیانی حه‌سه‌ن زیره‌ک و خوشک و براکانی که‌وته ناخۆشی و لێک جیا بوون. له زۆر شاری کوردستانی ئیران و عێراقدا ماوه‌ته‌وه و شاگرد قاوه‌چی و شاگرد مسگه‌ر بووه. له شاری کرماشاندا له‌گه‌ڵ هونه‌رمه‌ندانی گه‌وره‌ی مۆسیقادا چالاکی کردووه و گۆرانی زۆر جوان و به نرخی خوڵقاندووه. هه‌روه‌ها له رادیۆ تاران و رادیۆ کرماشان و رادیۆ به‌غدا کاری کردووه و گۆرانی کوتووه.

سه‌ره‌ڕای ئه‌وه‌یکه حه‌سه‌ن زیره‌ک سه‌وادی خوێندن و نووسینی نه‌بوو، به‌ڵام لێهاتووییه‌کی بێ‌وێنه‌ی له کوتنی شێعر و سازکردنی ئاهه‌نگ و گۆرانیبێژیدا نواند. هه‌ر ئه‌و به‌هره و تواناییه‌ی بوو به هۆکاری ناوبانگ ده‌رکردن و زۆر بوونی لایه‌نگران و خولیاوانی ئه‌و.

حه‌سه‌ن زیره‌ک له‌گه‌ڵ خاتوو میدیا زه‌ندی بێژه‌ری به‌شی کوردیی رادیۆ تاران زه‌ماوه‌ندی کرد و دوو کچیان بوو به ناوی مه‌هتاب (ئاره‌زوو) و مه‌هناز (ساکار)، که چه‌ند گۆرانی به‌وان هه‌ڵکوتووه.

حه‌سه‌ن زیره‌ک له ئێران و عێراقدا رووی خۆشی نه‌دیت و چه‌ند جاران له به‌ندیخانه‌کانی ئه‌م دیو و ئه‌و دیو گیرا. ساڵه‌کانی دوایی ته‌مه‌نی له شاری بۆکاندا ماوه و تووشی نه‌خۆشییه‌کی درێژخایه‌ن بوو تاکوو له رۆژی 4ی پووشپه‌ڕی 1351ی هه‌تاویدا له نه‌خۆشخانه‌ی بۆکان گیانی له‌ده‌ست‌دا و ته‌رمه‌که‌ی له داوێنی کێوی ناڵه‌شکێنه‌ی بۆکان به خاک ئه‌سپێردرا.
نویسندهلاجان . تاریخ1 /12/ 1389 .شاخهکورتەچیرۆک
دوایین مۆدێلی حاڵ گرتن!!کچێکی لاوی خه‌ڵکی مه‌کزیک بۆ کارێکی ئیداری چه‌ند مانگه ناردرا بۆ ئارژانتین. پاش دوو مانگ، نامه‌یێک له ده‌زگیرانه شۆخه مه‌کزیکییه‌که‌ی پێگه‌یشت به‌و ناوه‌رۆکه:

"لۆرای خۆشه‌ویست، به‌داخه‌وه چیتر ناتوانم به‌و په‌یوه‌ندییه له دووره‌وه درێژه بده‌م و ده‌بێ پێت بڵێم که له‌و ماوه‌یه‌دا ده‌ جار خه‌یانه‌تم پێکردووی!! ده‌شزانم نه من و نه تۆ ئه‌و بارودۆخه‌مان پێ خۆش نییه. بمبووره و وێنه‌که‌ی من که لای تۆیه بۆمی بنێره‌وه. به خۆشه‌ویستییه‌وه: رۆبه‌رت"

کچه لاوه‌که که له نامه‌ی ده‌زگیرانه‌که‌ی ره‌نجابوو، له هه‌موو هاوکارانی ویست که وێنه‌یێک له برا، کوڕه‌مام، کوڕه‌خاڵ، ده‌زگیران و ... بۆ ئه‌و بێنن. پاش کۆکردنه‌وه‌یان، هه‌موو وێنه‌کانی له‌گه‌ڵ وێنه‌ی ده‌زگیرانه‌که‌ی له پاکه‌ت نا و نووسراوه‌یێکیشی له‌گه‌ڵ نارد به‌و ناوه‌رۆکه:

"رۆبه‌رتی خۆشه‌ویست، بمبووره، هه‌رچه‌ندی بیرم کرده‌وه قه‌ڵافه‌تی تۆم وه‌بیر نه‌هاته‌وه، تکایه وێنه‌که‌ی خۆت له‌وانه‌دا بدۆزه‌وه و ئه‌وانی دیکه‌م بۆ بنێره‌وه."
نویسندهلاجان . تاریخ1 /12/ 1389 .شاخههەواڵ, كامپيوتێر, زانیاریی گشتی
کۆمپانیای گووگڵ له وێبلاگی فه‌ڕمی خۆیدا به شادییه‌وه باسی دۆزینه‌وه‌یێکی گرینگی کۆنینه‌ی کرد. به پێی ئه‌و راپۆرته، ئه‌و کاره له لایه‌ن پروفیسۆر لی به‌رگر له زانکۆی Witswatersrandی ژوهانسبۆرگی ئافریقای باشووره‌وه کراوه. ئه‌و زانیاره له مانگی مارسی 2008ڕا تا ئێستا توانیویه‌تی به کارپێکردنی نه‌رمامێری Google Earth و به یارمه‌تیی هاوکاره‌که‌ی، به‌شێکی زۆر له ئه‌شکه‌وت و شوێن‌گه‌لێک که فۆسیلی تێدایه، دیاری بکات. له سه‌ره‌تای ئه‌و پرۆژه‌یه‌دا، 130 ئه‌شکه‌وت ناسرابوو و 20 فۆسیل له ناوچه‌که‌دا هه‌بوو به‌ڵام به وێنه‌گه‌لێکی وردبینانه‌ی سه‌ته‌لایتی Google Earth، پرۆفیسۆر به‌رگر توانی نزیک به 500 ئه‌شکه‌وت و فۆسیل له‌م ناوچه‌یه‌دا بدۆزێته‌وه. له یه‌کێک له‌و دۆزینه‌وانه‌دا، هێندێک به‌شی فۆسیلی Australopithecus sediba ناسرا. پێشینه‌ی ئه‌و فۆسیلانه‌یان له 78/1 تا 95/1 میلیۆن ساڵ به‌راورد کردووه. ئه‌م دۆزینه‌وانه ده‌توانن وڵامی هێندێک له پرسیاره‌ گرینگه‌کان له‌مه‌ڕ باپیرانی سه‌ره‌تایی مرۆڤه‌کان له ئافریقادا بده‌نه‌وه. سه‌یر ئه‌وه‌یه که ئه‌م ناوچه‌یه پێشتر له لایه‌ن کۆنینه‌ناسان لێکۆڵینه‌وه‌ی زۆری له‌سه‌ر کراوه. گووگڵ به‌وپه‌ڕی خۆشحاڵیییه‌وه هیواداره زانیاران به که‌ڵک وه‌رگرتن له نه‌رمامێره خۆڕاییه‌کانی ئه‌و کۆمپانیایه وه‌ک Google Earth و Google Map بتوانن ده‌سکه‌وتی زیاتریان له جیهان هه‌بێت.